Kanakadhara Stotram in Oriya – କନକଧାରା ସ୍ତୋତ୍ରମ୍

<<<  Chant this in తెలుగు / ಕನ್ನಡ / தமிழ் / മലയാളം / हिन्दी / বাঙালি / ગુજરાતી / ਪੰਜਾਬੀ / ଓଡ଼ିଆ / English / Sinhala  >>>

Kanakadhārā means “stream” (dhārā) of “gold” (kanaka). Kanakadhara Stotram is a hymn (stotra) composed in sanskrit by the legendary hindu saint and philosopher Sri Adi Sankaracharya. It consists of 21 stanzas praising goddess Lakshmi. Only Goddess Lakshmi can change one’s destiny or fortunes.. Get Kanakadhara stotram lyrics in kannada here, and chant Kanakadhara stotram in kannada to change your fortune.

କନକଧାରା ସ୍ତୋତ୍ରମ୍

ଵଂଦେ ଵଂଦାରୁ ମଂଦାରମିଂଦିରାନଂଦ କଂଦଲଂ
ଅମଂଦାନଂଦ ସଂଦୋହ ବଂଧୁରଂ ସିଂଧୁରାନନମ୍

ଅଂଗଂ ହରେଃ ପୁଲକଭୂଷଣମାଶ୍ରୟଂତୀ
ଭୃଂଗାଂଗନେଵ ମୁକୁଳାଭରଣଂ ତମାଲମ୍ ।
ଅଂଗୀକୃତାଖିଲ ଵିଭୂତିରପାଂଗଲୀଲା
ମାଂଗଲ୍ୟଦାସ୍ତୁ ମମ ମଂଗଳଦେଵତାୟାଃ ॥ 1 ॥

ମୁଗ୍ଧା ମୁହୁର୍ଵିଦଧତୀ ଵଦନେ ମୁରାରେଃ
ପ୍ରେମତ୍ରପାପ୍ରଣିହିତାନି ଗତାଗତାନି ।
ମାଲାଦୃଶୋର୍ମଧୁକରୀଵ ମହୋତ୍ପଲେ ୟା
ସା ମେ ଶ୍ରିୟଂ ଦିଶତୁ ସାଗର ସଂଭଵା ୟାଃ ॥ 2 ॥

ଆମୀଲିତାକ୍ଷମଧିଗ୍ୟମ ମୁଦା ମୁକୁଂଦମ୍
ଆନଂଦକଂଦମନିମେଷମନଂଗ ତଂତ୍ରମ୍ ।
ଆକେକରସ୍ଥିତକନୀନିକପକ୍ଷ୍ମନେତ୍ରଂ
ଭୂତ୍ୟୈ ଭଵନ୍ମମ ଭୁଜଂଗ ଶୟାଂଗନା ୟାଃ ॥ 3 ॥

ବାହ୍ଵଂତରେ ମଧୁଜିତଃ ଶ୍ରିତକୌସ୍ତୁଭେ ୟା
ହାରାଵଳୀଵ ହରିନୀଲମୟୀ ଵିଭାତି ।
କାମପ୍ରଦା ଭଗଵତୋଽପି କଟାକ୍ଷମାଲା
କଳ୍ୟାଣମାଵହତୁ ମେ କମଲାଲୟା ୟାଃ ॥ 4 ॥

କାଲାଂବୁଦାଳି ଲଲିତୋରସି କୈଟଭାରେଃ
ଧାରାଧରେ ସ୍ଫୁରତି ୟା ତଟିଦଂଗନେଵ ।
ମାତୁସ୍ସମସ୍ତଜଗତାଂ ମହନୀୟମୂର୍ତିଃ
ଭଦ୍ରାଣି ମେ ଦିଶତୁ ଭାର୍ଗଵନଂଦନା ୟାଃ ॥ 5 ॥

ପ୍ରାପ୍ତଂ ପଦଂ ପ୍ରଥମତଃ ଖଲୁ ୟତ୍ପ୍ରଭାଵାତ୍
ମାଂଗଲ୍ୟଭାଜି ମଧୁମାଥିନି ମନ୍ମଥେନ ।
ମୟ୍ୟାପତେତ୍ତଦିହ ମଂଥରମୀକ୍ଷଣାର୍ଥଂ
ମଂଦାଲସଂ ଚ ମକରାଲୟ କନ୍ୟକା ୟାଃ ॥ 6 ॥

ଵିଶ୍ଵାମରେଂଦ୍ର ପଦ ଵିଭ୍ରମ ଦାନଦକ୍ଷମ୍
ଆନଂଦହେତୁରଧିକଂ ମୁରଵିଦ୍ଵିଷୋଽପି ।
ଈଷନ୍ନିଷୀଦତୁ ମୟି କ୍ଷଣମୀକ୍ଷଣାର୍ଥଂ
ଇଂଦୀଵରୋଦର ସହୋଦରମିଂଦିରା ୟାଃ ॥ 7 ॥

ଇଷ୍ଟା ଵିଶିଷ୍ଟମତୟୋପି ୟୟା ଦୟାର୍ଦ୍ର
ଦୃଷ୍ଟ୍ୟା ତ୍ରିଵିଷ୍ଟପପଦଂ ସୁଲଭଂ ଲଭଂତେ ।
ଦୃଷ୍ଟିଃ ପ୍ରହୃଷ୍ଟ କମଲୋଦର ଦୀପ୍ତିରିଷ୍ଟାଂ
ପୁଷ୍ଟିଂ କୃଷୀଷ୍ଟ ମମ ପୁଷ୍କର ଵିଷ୍ଟରା ୟାଃ ॥ 8 ॥

ଦଦ୍ୟାଦ୍ଦୟାନୁ ପଵନୋ ଦ୍ରଵିଣାଂବୁଧାରାଂ
ଅସ୍ମିନ୍ନକିଂଚନ ଵିହଂଗ ଶିଶୌ ଵିଷଣ୍ଣେ ।
ଦୁଷ୍କର୍ମଘର୍ମମପନୀୟ ଚିରାୟ ଦୂରଂ
ନାରାୟଣ ପ୍ରଣୟିନୀ ନୟନାଂବୁଵାହଃ ॥ 9 ॥

ଗୀର୍ଦେଵତେତି ଗରୁଡଧ୍ଵଜ ସୁଂଦରୀତି
ଶାକଂବରୀତି ଶଶିଶେଖର ଵଲ୍ଲଭେତି ।
ସୃଷ୍ଟି ସ୍ଥିତି ପ୍ରଳୟ କେଳିଷୁ ସଂସ୍ଥିତାୟୈ
ତସ୍ୟୈ ନମସ୍ତ୍ରିଭୁଵନୈକ ଗୁରୋସ୍ତରୁଣ୍ୟୈ ॥ 10 ॥

ଶ୍ରୁତ୍ୟୈ ନମୋଽସ୍ତୁ ଶୁଭକର୍ମ ଫଲପ୍ରସୂତ୍ୟୈ
ରତ୍ୟୈ ନମୋଽସ୍ତୁ ରମଣୀୟ ଗୁଣାର୍ଣଵାୟୈ ।
ଶକ୍ତ୍ୟୈ ନମୋଽସ୍ତୁ ଶତପତ୍ର ନିକେତନାୟୈ
ପୁଷ୍ଟ୍ୟୈ ନମୋଽସ୍ତୁ ପୁରୁଷୋତ୍ତମ ଵଲ୍ଲଭାୟୈ ॥ 11 ॥

ନମୋଽସ୍ତୁ ନାଳୀକ ନିଭାନନାୟୈ
ନମୋଽସ୍ତୁ ଦୁଗ୍ଧୋଦଧି ଜନ୍ମଭୂମ୍ୟୈ ।
ନମୋଽସ୍ତୁ ସୋମାମୃତ ସୋଦରାୟୈ
ନମୋଽସ୍ତୁ ନାରାୟଣ ଵଲ୍ଲଭାୟୈ ॥ 12 ॥

ନମୋଽସ୍ତୁ ହେମାଂବୁଜ ପୀଠିକାୟୈ
ନମୋଽସ୍ତୁ ଭୂମଂଡଲ ନାୟିକାୟୈ ।
ନମୋଽସ୍ତୁ ଦେଵାଦି ଦୟାପରାୟୈ
ନମୋଽସ୍ତୁ ଶାରଂଗାୟୁଧ ଵଲ୍ଲଭାୟୈ ॥ 13 ॥

ନମୋଽସ୍ତୁ ଦେଵ୍ୟୈ ଭୃଗୁନଂଦନାୟୈ
ନମୋଽସ୍ତୁ ଵିଷ୍ଣୋରୁରସି ସ୍ଥିତାୟୈ ।
ନମୋଽସ୍ତୁ ଲକ୍ଷ୍ମ୍ୟୈ କମଲାଲୟାୟୈ
ନମୋଽସ୍ତୁ ଦାମୋଦର ଵଲ୍ଲଭାୟୈ ॥ 14 ॥

ନମୋଽସ୍ତୁ କାଂତ୍ୟୈ କମଲେକ୍ଷଣାୟୈ
ନମୋଽସ୍ତୁ ଭୂତ୍ୟୈ ଭୁଵନପ୍ରସୂତ୍ୟୈ ।
ନମୋଽସ୍ତୁ ଦେଵାଦିଭିରର୍ଚିତାୟୈ
ନମୋଽସ୍ତୁ ନଂଦାତ୍ମଜ ଵଲ୍ଲଭାୟୈ ॥ 15 ॥

ସଂପତ୍କରାଣି ସକଲେଂଦ୍ରିୟ ନଂଦନାନି
ସାମ୍ରାଜ୍ୟ ଦାନଵିଭଵାନି ସରୋରୁହାକ୍ଷି ।
ତ୍ଵଦ୍ଵଂଦନାନି ଦୁରିତା ହରଣୋଦ୍ୟତାନି
ମାମେଵ ମାତରନିଶଂ କଲୟଂତୁ ମାନ୍ୟେ ॥ 16 ॥

ୟତ୍କଟାକ୍ଷ ସମୁପାସନା ଵିଧିଃ
ସେଵକସ୍ୟ ସକଲାର୍ଥ ସଂପଦଃ ।
ସଂତନୋତି ଵଚନାଂଗ ମାନସୈଃ
ତ୍ଵାଂ ମୁରାରିହୃଦୟେଶ୍ଵରୀଂ ଭଜେ ॥ 17 ॥

ସରସିଜନିଲୟେ ସରୋଜହସ୍ତେ
ଧଵଳତମାଂଶୁକ ଗଂଧମାଲ୍ୟଶୋଭେ ।
ଭଗଵତି ହରିଵଲ୍ଲଭେ ମନୋଜ୍ଞେ
ତ୍ରିଭୁଵନଭୂତିକରୀ ପ୍ରସୀଦମହ୍ୟମ୍ ॥ 18 ॥

ଦିଗ୍ଘସ୍ତିଭିଃ କନକ କୁଂଭମୁଖାଵସୃଷ୍ଟ
ସ୍ଵର୍ଵାହିନୀ ଵିମଲଚାରୁଜଲାପ୍ଲୁତାଂଗୀମ୍ ।
ପ୍ରାତର୍ନମାମି ଜଗତାଂ ଜନନୀମଶେଷ
ଲୋକଧିନାଥ ଗୃହିଣୀମମୃତାବ୍ଧିପୁତ୍ରୀମ୍ ॥ 19 ॥

କମଲେ କମଲାକ୍ଷ ଵଲ୍ଲଭେ ତ୍ଵଂ
କରୁଣାପୂର ତରଂଗିତୈରପାଂଗୈଃ ।
ଅଵଲୋକୟ ମାମକିଂଚନାନାଂ
ପ୍ରଥମଂ ପାତ୍ରମକୃତିମଂ ଦୟାୟାଃ ॥ 20 ॥

ଦେଵି ପ୍ରସୀଦ ଜଗଦୀଶ୍ଵରି ଲୋକମାତଃ
କଳ୍ୟାଣଗାତ୍ରି କମଲେକ୍ଷଣ ଜୀଵନାଥେ ।
ଦାରିଦ୍ର୍ୟଭୀତିହୃଦୟଂ ଶରଣାଗତଂ ମାଂ
ଆଲୋକୟ ପ୍ରତିଦିନଂ ସଦୟୈରପାଂଗୈଃ ॥ 21 ॥

ସ୍ତୁଵଂତି ୟେ ସ୍ତୁତିଭିରମୀଭିରନ୍ଵହଂ
ତ୍ରୟୀମୟୀଂ ତ୍ରିଭୁଵନମାତରଂ ରମାମ୍ ।
ଗୁଣାଧିକା ଗୁରୁତୁର ଭାଗ୍ୟ ଭାଗିନଃ
ଭଵଂତି ତେ ଭୁଵି ବୁଧ ଭାଵିତାଶୟାଃ ॥ 22 ॥

ସୁଵର୍ଣଧାରା ସ୍ତୋତ୍ରଂ ୟଚ୍ଛଂକରାଚାର୍ୟ ନିର୍ମିତଂ
ତ୍ରିସଂଧ୍ୟଂ ୟଃ ପଠେନ୍ନିତ୍ୟଂ ସ କୁବେରସମୋ ଭଵେତ୍ ॥

ଇଟି କନକଧରା ଷ୍ଟୋଟ୍ରାମ୍ ସାମ୍ପୁରନମ୍ ॥