Sri Durga Kavacham in Gujarati – શ્રી દુર્ગા દેવિ કવચમ્

<<<  Chant this in తెలుగు / ಕನ್ನಡ / தமிழ் / മലയാളം / हिन्दी / বাঙালি / ગુજરાતી / ଓଡ଼ିଆ / English  >>>

શ્રીદુર્ગાદેવિકવચમ્

શ્રીગણેશાય નમઃ ।

ઈશ્વર ઉવાચ ।
શ્રૃણુ દેવિ પ્રવક્ષ્યામિ કવચં સર્વસિદ્ધિદમ્ ।
પઠિત્વા પાઠયિત્વા ચ નરો મુચ્યેત સઙ્કટાત્ ॥ 1 ॥

અજ્ઞાત્વા કવચં દેવિ દુર્ગામન્ત્રં ચ યો જપેત્ ।
સ નાપ્નોતિ ફલં તસ્ય પરં ચ નરકં વ્રજેત્ ॥ 2 ॥

ઉમાદેવી શિરઃ પાતુ લલાટે શૂલધારિણી ।
ચક્ષુષી ખેચરી પાતુ કર્ણૌ ચત્વરવાસિની ॥ 3 ॥

સુગન્ધા નાસિકે પાતુ વદનં સર્વધારિણી ।
જિહ્વાં ચ ચણ્ડિકાદેવી ગ્રીવાં સૌભદ્રિકા તથા ॥ 4 ॥

અશોકવાસિની ચેતો દ્વૌ બાહૂ વજ્રધારિણી ।
હૃદયં લલિતાદેવી ઉદરં સિંહવાહિની ॥ 5 ॥

કટિં ભગવતી દેવી દ્વાવૂરૂ વિન્ધ્યવાસિની ।
મહાબલા ચ જઙ્ઘે દ્વે પાદૌ ભૂતલવાસિની ॥ 6 ॥

એવં સ્થિતાઽસિ દેવિ ત્વં ત્રૈલોક્યે રક્ષણાત્મિકા ।
રક્ષ માં સર્વગાત્રેષુ દુર્ગે દેવિ નમોઽસ્તુતે ॥ 7 ॥

॥ ઇતિ શ્રીકુબ્જિકાતન્ત્રે દુર્ગાકવચમ્ સમ્પૂર્ણમ્ ॥