Sri kalabhairava ashtakam in bengali – কাল ভৈরবাষ্টকম্

<<<  Chant this in తెలుగు / ಕನ್ನಡ / தமிழ் / മലയാളം / देवनागरी / বাঙালি / ગુજરાતી / ଓଡ଼ିଆ / English  >>>

কাল ভৈরবাষ্টকম্

দেবরাজ সেব্যমান পাবনাংঘ্রি পংকজং
ব্যালযজ্ঞ সূত্রমিংদু শেখরং কৃপাকরম্ |
নারদাদি যোগিবৃংদ বংদিতং দিগংবরং
কাশিকাপুরাধিনাথ কালভৈরবং ভজে ‖ 1 ‖

ভানুকোটি ভাস্বরং ভবব্ধিতারকং পরং
নীলকংঠ মীপ্সিতার্ধ দাযকং ত্রিলোচনং |
কালকাল মংবুজাক্ষ মস্তশূন্য মক্ষরং
কাশিকাপুরাধিনাথ কালভৈরবং ভজে ‖ 2 ‖

শূলটংক পাশদংড পাণিমাদি কারণং
শ্যামকায মাদিদেব মক্ষরং নিরামযম্ |
ভীমবিক্রমং প্রভুং বিচিত্র তাংডব প্রিযং
কাশিকাপুরাধিনাথ কালভৈরবং ভজে ‖ 3 ‖

ভুক্তি মুক্তি দাযকং প্রশস্তচারু বিগ্রহং
ভক্তবত্সলং স্থিতং সমস্তলোক বিগ্রহম্ |
নিক্বণন্-মনোজ্ঞ হেম কিংকিণী লসত্কটিং
কাশিকাপুরাধিনাথ কালভৈরবং ভজে ‖ 4 ‖

ধর্মসেতু পালকং ত্বধর্মমার্গ নাশকং
কর্মপাশ মোচকং সুশর্ম দাযকং বিভুম্ |
স্বর্ণবর্ণ কেশপাশ শ৊ভিতাংগ নির্মলং
কাশিকাপুরাধিনাথ কালভৈরবং ভজে ‖ 5 ‖

রত্ন পাদুকা প্রভাভিরাম পাদযুগ্মকং
নিত্য মদ্বিতীয মিষ্ট দৈবতং নিরংজনম্ |
মৃত্যুদর্প নাশনং করালদংষ্ট্র ভূষণং
কাশিকাপুরাধিনাথ কালভৈরবং ভজে ‖ 6 ‖

অট্টহাস ভিন্ন পদ্মজাংডকোশ সংততিং
দৃষ্টিপাত নষ্টপাপ জালমুগ্র শাসনম্ |
অষ্টসিদ্ধি দাযকং কপালমালিকা ধরং
কাশিকাপুরাধিনাথ কালভৈরবং ভজে ‖ 7 ‖

ভূতসংঘ নাযকং বিশালকীর্তি দাযকং
কাশিবাসি লোক পুণ্যপাপ শোধকং বিভুম্ |
নীতিমার্গ কোবিদং পুরাতনং জগত্পতিং
কাশিকাপুরাধিনাথ কালভৈরবং ভজে ‖ 8 ‖

কালভৈরবাষ্টকং পঠংতি যে মনোহরং
জ্ঞানমুক্তি সাধকং বিচিত্র পুণ্য বর্ধনম্ |
শোকমোহ লোভদৈন্য কোপতাপ নাশনং
তে প্রযাংতি কালভৈরবাংঘ্রি সন্নিধিং ধ্রুবম্ ‖ 9 ‖