Sri Lalitha Pancha Ratnam in Gujarati – લલિતા પંચ રત્નમ્

<<<  Chant this in తెలుగు / ಕನ್ನಡ / தமிழ் / മലയാളം / हिन्दी / বাঙালি / ગુજરાતી / ਪੰਜਾਬੀ / ଓଡ଼ିଆ / English / Sinhala  >>>

લલિતા પંચ રત્નમ્

પ્રાતઃ સ્મરામિ લલિતાવદનારવિંદં
બિંબાધરં પૃથુલમૌક્તિકશોભિનાસમ્ ।
આકર્ણદીર્ઘનયનં મણિકુંડલાઢ્યં
મંદસ્મિતં મૃગમદોજ્જ્વલફાલદેશમ્ ॥ 1 ॥

પ્રાતર્ભજામિ લલિતાભુજકલ્પવલ્લીં
રક્તાંગુળીયલસદંગુળિપલ્લવાઢ્યામ્ ।
માણિક્યહેમવલયાંગદશોભમાનાં
પુંડ્રેક્ષુચાપકુસુમેષુસૃણીર્દધાનામ્ ॥ 2 ॥

પ્રાતર્નમામિ લલિતાચરણારવિંદં
ભક્તેષ્ટદાનનિરતં ભવસિંધુપોતમ્ ।
પદ્માસનાદિસુરનાયકપૂજનીયં
પદ્માંકુશધ્વજસુદર્શનલાંછનાઢ્યમ્ ॥ 3 ॥

પ્રાતઃ સ્તુવે પરશિવાં લલિતાં ભવાનીં
ત્રય્યંતવેદ્યવિભવાં કરુણાનવદ્યામ્ ।
વિશ્વસ્ય સૃષ્ટવિલયસ્થિતિહેતુભૂતાં
વિદ્યેશ્વરીં નિગમવાઙ્મમનસાતિદૂરામ્ ॥ 4 ॥

પ્રાતર્વદામિ લલિતે તવ પુણ્યનામ
કામેશ્વરીતિ કમલેતિ મહેશ્વરીતિ ।
શ્રીશાંભવીતિ જગતાં જનની પરેતિ
વાગ્દેવતેતિ વચસા ત્રિપુરેશ્વરીતિ ॥ 5 ॥

યઃ શ્લોકપંચકમિદં લલિતાંબિકાયાઃ
સૌભાગ્યદં સુલલિતં પઠતિ પ્રભાતે ।
તસ્મૈ દદાતિ લલિતા ઝટિતિ પ્રસન્ના
વિદ્યાં શ્રિયં વિમલસૌખ્યમનંતકીર્તિમ્ ॥ 6 ॥

ઇતિ શ્રી લલિતા પંચરત્નમ્ |