Devi Kavacham in Bengali – দেবী মহাত্ম্যং দেবি কবচম্

<<<  Chant this in తెలుగు / ಕನ್ನಡ / தமிழ் / മലയാളം / हिन्दी / संस्कृतम् / বাঙালি / ગુજરાતી / ਪੰਜਾਬੀ / ଓଡ଼ିଆ / English / Marathi / Assamese / Konkani / Nepali / Sinhala  >>>

দেবী মহাত্ম্যং দেবি কবচম্

ওং নমশ্চংডিকাযৈ ।

ন্যাসঃ
অস্য শ্রী চংডী কবচস্য । ব্রহ্মা ঋষিঃ । অনুষ্টুপ্ ছংদঃ ।
চামুংডা দেবতা । অংগন্যাসোক্ত মাতরো বীজম্ । নবাবরণো মংত্রশক্তিঃ । দিগ্বংধ দেবতাঃ তত্বম্ । শ্রী জগদংবা প্রীত্যর্থে সপ্তশতী পাঠাংগত্বেন জপে বিনিযোগঃ ॥

ওং নমশ্চংডিকাযৈ ।

মার্কংডেয উবাচ ।
ওং যদ্গুহ্যং পরমং লোকে সর্বরক্ষাকরং নৃণাম্ ।
যন্ন কস্যচিদাখ্যাতং তন্মে ব্রূহি পিতামহ ॥ 1 ॥

ব্রহ্মোবাচ ।
অস্তি গুহ্যতমং বিপ্র সর্বভূতোপকারকম্ ।
দেব্যাস্তু কবচং পুণ্যং তচ্ছৃণুষ্ব মহামুনে ॥ 2 ॥

প্রথমং শৈলপুত্রী চ দ্বিতীযং ব্রহ্মচারিণী ।
তৃতীযং চংদ্রঘংটেতি কূষ্মাংডেতি চতুর্থকম্ ॥ 3 ॥

পংচমং স্কংদমাতেতি ষষ্ঠং কাত্যাযনীতি চ ।
সপ্তমং কালরাত্রীতি মহাগৌরীতি চাষ্টমম্ ॥ 4 ॥

নবমং সিদ্ধিদাত্রী চ নবদুর্গাঃ প্রকীর্তিতাঃ ।
উক্তান্যেতানি নামানি ব্রহ্মণৈব মহাত্মনা ॥ 5 ॥

অগ্নিনা দহ্যমানস্তু শত্রুমধ্যে গতো রণে ।
বিষমে দুর্গমে চৈব ভযার্তাঃ শরণং গতাঃ ॥ 6 ॥

ন তেষাং জাযতে কিংচিদশুভং রণসংকটে ।
নাপদং তস্য পশ্যামি শোকদুঃখভযং ন হি ॥ 7 ॥

যৈস্তু ভক্ত্যা স্মৃতা নূনং তেষাং বৃদ্ধিঃ প্রজাযতে ।
যে ত্বাং স্মরংতি দেবেশি রক্ষসে তান্নসংশযঃ ॥ 8 ॥

প্রেতসংস্থা তু চামুংডা বারাহী মহিষাসনা ।
ঐংদ্রী গজসমারূঢা বৈষ্ণবী গরুডাসনা ॥ 9 ॥

মাহেশ্বরী বৃষারূঢা কৌমারী শিখিবাহনা ।
লক্ষ্মীঃ পদ্মাসনা দেবী পদ্মহস্তা হরিপ্রিযা ॥ 10 ॥

শ্বেতরূপধরা দেবী ঈশ্বরী বৃষবাহনা ।
ব্রাহ্মী হংসসমারূঢা সর্বাভরণভূষিতা ॥ 11 ॥

ইত্যেতা মাতরঃ সর্বাঃ সর্বযোগসমন্বিতাঃ ।
নানাভরণাশোভাঢ্যা নানারত্নোপশোভিতাঃ ॥ 12 ॥

দৃশ্যংতে রথমারূঢা দেব্যঃ ক্রোধসমাকুলাঃ ।
শংখং চক্রং গদাং শক্তিং হলং চ মুসলাযুধম্ ॥ 13 ॥

খেটকং তোমরং চৈব পরশুং পাশমেব চ ।
কুংতাযুধং ত্রিশূলং চ শারংগমাযুধমুত্তমম্ ॥ 14 ॥

দৈত্যানাং দেহনাশায ভক্তানামভযায চ ।
ধারযংত্যাযুধানীত্থং দেবানাং চ হিতায বৈ ॥ 15 ॥

নমস্তেঽস্তু মহারৌদ্রে মহাঘোরপরাক্রমে ।
মহাবলে মহোত্সাহে মহাভযবিনাশিনি ॥ 16 ॥

ত্রাহি মাং দেবি দুষ্প্রেক্ষ্যে শত্রূণাং ভযবর্ধিনি ।
প্রাচ্যাং রক্ষতু মামৈংদ্রী আগ্নেয্যামগ্নিদেবতা ॥ 17 ॥

দক্ষিণেঽবতু বারাহী নৈরৃত্যাং খড্গধারিণী ।
প্রতীচ্যাং বারুণী রক্ষেদ্বাযব্যাং মৃগবাহিনী ॥ 18 ॥

উদীচ্যাং পাতু কৌমারী ঐশান্যাং শূলধারিণী ।
ঊর্ধ্বং ব্রহ্মাণী মে রক্ষেদধস্তাদ্বৈষ্ণবী তথা ॥ 19 ॥

এবং দশ দিশো রক্ষেচ্চামুংডা শববাহনা ।
জযা মে চাগ্রতঃ পাতু বিজযা পাতু পৃষ্ঠতঃ ॥ 20 ॥

অজিতা বামপার্শ্বে তু দক্ষিণে চাপরাজিতা ।
শিখামুদ্যোতিনী রক্ষেদুমা মূর্ধ্নি ব্যবস্থিতা ॥ 21 ॥

মালাধরী ললাটে চ ভ্রুবৌ রক্ষেদ্যশস্বিনী ।
ত্রিনেত্রা চ ভ্রুবোর্মধ্যে যমঘংটা চ নাসিকে ॥ 22 ॥

শংখিনী চক্ষুষোর্মধ্যে শ্রোত্রযোর্দ্বারবাসিনী ।
কপোলৌ কালিকা রক্ষেত্কর্ণমূলে তু শাংকরী ॥ 23 ॥

নাসিকাযাং সুগংধা চ উত্তরোষ্ঠে চ চর্চিকা ।
অধরে চামৃতকলা জিহ্বাযাং চ সরস্বতী ॥ 24 ॥

দংতান্ রক্ষতু কৌমারী কংঠদেশে তু চংডিকা ।
ঘংটিকাং চিত্রঘংটা চ মহামাযা চ তালুকে ॥ 25 ॥

কামাক্ষী চিবুকং রক্ষেদ্বাচং মে সর্বমংগলা ।
গ্রীবাযাং ভদ্রকালী চ পৃষ্ঠবংশে ধনুর্ধরী ॥ 26 ॥

নীলগ্রীবা বহিঃ কংঠে নলিকাং নলকূবরী ।
স্কংধযোঃ খড্গিনী রক্ষেদ্বাহূ মে বজ্রধারিণী ॥ 27 ॥

হস্তযোর্দংডিনী রক্ষেদংবিকা চাংগুলীষু চ ।
নখাংছূলেশ্বরী রক্ষেত্কুক্ষৌ রক্ষেত্কুলেশ্বরী ॥ 28 ॥

স্তনৌ রক্ষেন্মহাদেবী মনঃশোকবিনাশিনী ।
হৃদযে ললিতা দেবী উদরে শূলধারিণী ॥ 29 ॥

নাভৌ চ কামিনী রক্ষেদ্গুহ্যং গুহ্যেশ্বরী তথা ।
পূতনা কামিকা মেঢ্রং গুদে মহিষবাহিনী ॥ 30 ॥

কট্যাং ভগবতী রক্ষেজ্জানুনী বিংধ্যবাসিনী ।
জংঘে মহাবলা রক্ষেত্সর্বকামপ্রদাযিনী ॥ 31 ॥

গুল্ফযোর্নারসিংহী চ পাদপৃষ্ঠে তু তৈজসী ।
পাদাংগুলীষু শ্রী রক্ষেত্পাদাধস্তলবাসিনী ॥ 32 ॥

নখান্ দংষ্ট্রকরালী চ কেশাংশ্চৈবোর্ধ্বকেশিনী ।
রোমকূপেষু কৌবেরী ত্বচং বাগীশ্বরী তথা ॥ 33 ॥

রক্তমজ্জাবসামাংসান্যস্থিমেদাংসি পার্বতী ।
অংত্রাণি কালরাত্রিশ্চ পিত্তং চ মুকুটেশ্বরী ॥ 34 ॥

পদ্মাবতী পদ্মকোশে কফে চূডামণিস্তথা ।
জ্বালামুখী নখজ্বালামভেদ্যা সর্বসংধিষু ॥ 35 ॥

শুক্রং ব্রহ্মাণি! মে রক্ষেচ্ছাযাং ছত্রেশ্বরী তথা ।
অহংকারং মনো বুদ্ধিং রক্ষেন্মে ধর্মধারিণী ॥ 36 ॥

প্রাণাপানৌ তথা ব্যানমুদানং চ সমানকম্ ।
বজ্রহস্তা চ মে রক্ষেত্প্রাণং কল্যাণশোভনা ॥ 37 ॥

রসে রূপে চ গংধে চ শব্দে স্পর্শে চ যোগিনী ।
সত্ত্বং রজস্তমশ্চৈব রক্ষেন্নারাযণী সদা ॥ 38 ॥

আযূ রক্ষতু বারাহী ধর্মং রক্ষতু বৈষ্ণবী ।
যশঃ কীর্তিং চ লক্ষ্মীং চ ধনং বিদ্যাং চ চক্রিণী ॥ 39 ॥

গোত্রমিংদ্রাণি! মে রক্ষেত্পশূন্মে রক্ষ চংডিকে ।
পুত্রান্ রক্ষেন্মহালক্ষ্মীর্ভার্যাং রক্ষতু ভৈরবী ॥ 40 ॥

পংথানং সুপথা রক্ষেন্মার্গং ক্ষেমকরী তথা ।
রাজদ্বারে মহালক্ষ্মীর্বিজযা সর্বতঃ স্থিতা ॥ 41 ॥

রক্ষাহীনং তু যত্-স্থানং বর্জিতং কবচেন তু ।
তত্সর্বং রক্ষ মে দেবি! জযংতী পাপনাশিনী ॥ 42 ॥

পদমেকং ন গচ্ছেত্তু যদীচ্ছেচ্ছুভমাত্মনঃ ।
কবচেনাবৃতো নিত্যং যত্র যত্রৈব গচ্ছতি ॥ 43 ॥

তত্র তত্রার্থলাভশ্চ বিজযঃ সার্বকামিকঃ ।
যং যং চিংতযতে কামং তং তং প্রাপ্নোতি নিশ্চিতম্ ॥ 44 ॥

পরমৈশ্বর্যমতুলং প্রাপ্স্যতে ভূতলে পুমান্ ।
নির্ভযো জাযতে মর্ত্যঃ সংগ্রামেষ্বপরাজিতঃ ॥ 45 ॥

ত্রৈলোক্যে তু ভবেত্পূজ্যঃ কবচেনাবৃতঃ পুমান্ ।
ইদং তু দেব্যাঃ কবচং দেবানামপি দুর্লভম্ ॥ 46 ॥

যঃ পঠেত্প্রযতো নিত্যং ত্রিসংধ্যং শ্রদ্ধযান্বিতঃ ।
দৈবীকলা ভবেত্তস্য ত্রৈলোক্যেষ্বপরাজিতঃ ॥ 47 ॥

জীবেদ্বর্ষশতং সাগ্রমপমৃত্যুবিবর্জিতঃ ।
নশ্যংতি ব্যাধযঃ সর্বে লূতাবিস্ফোটকাদযঃ ॥ 48 ॥

স্থাবরং জংগমং চৈব কৃত্রিমং চৈব যদ্বিষম্ ।
অভিচারাণি সর্বাণি মংত্রযংত্রাণি ভূতলে ॥ 49 ॥

ভূচরাঃ খেচরাশ্চৈব জুলজাশ্চোপদেশিকাঃ ।
সহজা কুলজা মালা ডাকিনী শাকিনী তথা ॥ 50 ॥

অংতরিক্ষচরা ঘোরা ডাকিন্যশ্চ মহাবলাঃ ।
গ্রহভূতপিশাচাশ্চ যক্ষগংধর্বরাক্ষসাঃ ॥ 51 ॥

ব্রহ্মরাক্ষসবেতালাঃ কূষ্মাংডা ভৈরবাদযঃ ।
নশ্যংতি দর্শনাত্তস্য কবচে হৃদি সংস্থিতে ॥ 52 ॥

মানোন্নতির্ভবেদ্রাজ্ঞস্তেজোবৃদ্ধিকরং পরম্ ।
যশসা বর্ধতে সোঽপি কীর্তিমংডিতভূতলে ॥ 53 ॥

জপেত্সপ্তশতীং চংডীং কৃত্বা তু কবচং পুরা ।
যাবদ্ভূমংডলং ধত্তে সশৈলবনকাননম্ ॥ 54 ॥

তাবত্তিষ্ঠতি মেদিন্যাং সংততিঃ পুত্রপৌত্রিকী ।
দেহাংতে পরমং স্থানং যত্সুরৈরপি দুর্লভম্ ॥ 55 ॥

প্রাপ্নোতি পুরুষো নিত্যং মহামাযাপ্রসাদতঃ ।
লভতে পরমং রূপং শিবেন সহ মোদতে ॥ 56 ॥

॥ ইতি বারাহপুরাণে হরিহরব্রহ্ম বিরচিতং দেব্যাঃ কবচং সংপূর্ণম্ ॥